រាត្រី រន្ធត់: កូនសោរឡាន

យប់មួយឪពុកនិងកូនស្រីរបស់គាត់ត្រូវបានជិះចុះផ្លូវទេសជនបទដាច់ស្រយាលមួយ ។ ពួកគេបានវិលត្រឡប់មកផ្ទះវិញបន្ទាប់ពី បានចំណាយពេល១ថ្ងៃពេញមកមើលម្តាយក្មេងស្រីនៅក្នុងមន្ទីរពេទ្យ។ ដោយសំឡេងរណ្ដំរបស់ភ្លៀងនៅលើដំបូលរថយន្តនោះ ធ្វើឱ្យក្មេងស្រីនោះបានចាប់ផ្តើមងងុយគេង។

រំពេចនោះ មានស្នូរខ្លាំងមួយបន្លឺឡើង ។ ឪពុកនាងប្រឹងតស៊ូជាមួយនឹងដៃចង្កូត ប៉ុន្តែរថយន្តបានរអិលចេញពីផ្លូវសើម ហើយបានខ្ទាត ទៅបុកជញ្ជាំងថ្មមួយ។

បន្ទាប់ពីពិនិត្យមើល ឃើញថាកូនស្រីរបស់គាត់មិនត្រូវបានរងរបួសអ្វីឡើយ , បុរសនេះបានចេញពីរថយន្តដើម្បីពិនិត្យមើលពីការខូចខាតនេះ។ សំបកកង់មុខទាំងពីរបែកខ្ទេចហើយរបាមុខបាក់អស់ខាងស្ដាំ និងត្រូវបានខ្ទាតទៅលើជញ្ជាំងថ្ម។ រថយន្ដមិនត្រូវបានខ្ទេចទាំងអស់ទេ។

បុរសនោះថា: «យើងត្រូវតែរកជាងឡានដែលនៅក្បែរៗនេះ» គាត់បានពន្យល់ ដល់កូនស្រីរបស់គាត់។ «កង់ទាំង២បែកទៅហើយ »។

«ប៉ាអាចជួសជុលវាទេ?» កូនស្រីរបស់គាត់បានសួរពីភាពខូចខាតដោយសារគ្រោះថ្នាក់ចរាចរណ៍នេះ។

«ប៉ាមិនអាចទេ» ឪពុករបស់នាងបានឆ្លើយតបដោយគ្រវី ក្បាលរបស់គាត់ផង ។ ។ គាត់បាននិយាយថា «ប៉ាមានស្បែកជើងកវែង១គូរប៉ានឹងដើរត្រឡប់ទៅទីក្រុងវិញនិងស្វែងរកនរណាម្នាក់ដើម្បីអូសរថយន្ត។ វាមិនសូវនៅឆ្ងាយពីទីនេះទេ។ កូននៅរង់ចាំក្នុងឡានហើយ»។

«ចាសប៉ា!» នាងបាននិយាយដោយស្ទាក់ស្ទើរ។ «ប៉ុន្តែកុំទៅយូរពេក»។

បុរសម្នាក់នេះអាចមើលតាមរយៈឃើញភ្នែកកូនស្រីរបស់គាត់ថានាងភ័យខ្លាចជាខ្លាំង ។

«អង្គុយអោយស្ងៀមចុះ» ឪពុករបស់នាងឆ្លើយតប ខណៈដែលគាត់បានចេញពីទ្វារឡាន។ «ប៉ានឹងត្រឡប់មកវិញឱ្យបានឆាប់តាម ដែលអាចធ្វើបាន»។

កូនស្រីរបស់គាត់មើលគាត់នៅក្នុងកញ្ចក់ក្រោយ រហូតដល់គាត់ចុះផ្លូវ ជាមួយទឹកភ្លៀងហូរ និងចូលទៅក្នុងភាពងងឹតបាត់។

ជាងមួយម៉ោងកន្លងផុត,ឪពុករបស់នាងនៅតែមិនត្រឡប់មកវិញ។ ក្មេងស្រីនោះចាប់ផ្តើមឆ្ងល់ថាគាត់ទៅយូរម្ល៉េះ? នាងព្រួយបារម្ភខ្លាំងណាស់ព្រោះគាត់គួរតែត្រឡប់មកវិញឥឡូវនេះ។

បន្ទាប់មកនាងក្រឡេកមើល ក្នុងកញ្ចក់ មើលក្រោយហើយបានឃើញអ្វីម្យ៉ាងនៅពីចម្ងាយដែលដើរឆ្ពោះមករកឡាន។ ដំបូងនាងគិតថាវាគឺជាឪពុករបស់នាង ប៉ុន្តែ នៅពេលដែលនាងបានងាកមើលរូបរាងនោះ កាន់តែខិតជិតនាងឃើញថាវាគឺជាបុរសចម្លែកមុខម្នាក់ ។ គាត់ស្លៀកពាក់រយ៉េរយ៉ៃ និងមានពុកចង្ការដ៏វែង។ គាត់កំពុងកាន់អ្វីមួយដ៏ធំនៅក្នុងដៃឆ្វេងរបស់គាត់ និងយោលវាទៅវិញទៅមក ។

គាត់ធ្វើឱ្យនាងភ័យខ្លាំងណាស់ ។ គាត់បានដើរមកដល់ នាងបានមើលបុរសនោះតាមកញ្ចក់ឡានរបស់នាង។ នៅក្នុងសភាពដ៏ងងឹតនាងគ្រាន់តែអាចឃើញអ្វីម្យ៉ាងដែលក្ដាប់ណែននៅក្នុងដៃខាងស្តាំរបស់គាត់ ។ វាជាកាំបិតមុតស្រួចធំមួយក្នុងដៃគាត់។

ក្មេងស្រីគិតយ៉ាងឆាប់រហ័សដោយភ័យខ្លាចពេកនាង បានចាក់សោទ្វារទាំងពីរនៅក្នុងផ្នែកខាងមុខនៃរថយន្តបន្ទាប់មកត្រឡប់មកកៅអីវិញនិង បានចាក់សោទ្វារខាងក្រោយដែរ ។ នៅពេលដែលនាងមើលឡើងជាថ្មីម្តងទៀតនាងបានឃើញបុរសចម្លែកឈប់យោលដៃរបស់គាត់ ហើយកំពុងសម្លឹងមកនាង។ រំពេចនោះ បុរសម្នាក់នោះបានលើកដៃដ៏ប្រឡាក់ឈាមរបស់គាត់ឡើង។ នៅក្នុងដៃ ឆ្វេងរបស់គាត់ , គាត់កាន់ ក្បាលឪពុករបស់នាង ។ នាងស្រែកយ៉ាងខ្លាំង ។ នាងមិនអាចឈប់ស្រែកបាននោះទេ។ បេះដូងរបស់នាង លោតរន្ធាន់ហើយដង្ហើមដកសឹងពុំដល់គ្នា។ មុខដ៏អាក្រក់របស់ឪពុកនាងមើលទៅគួរអោយខ្លាចណាស់ ។ មាត់របស់គាត់ត្រូវបានគេវះចំហរធ្លុង ហើយភ្នែក របស់គាត់បានលានចេញពីក្បាល ។

នៅពេលដែលបុរសនោះបានឈានដល់រថយន្តនោះគាត់បានឳនមុខរបស់គាត់ឡើងកិបនឹងបង្អួចឡានរបស់នាងជាមួយភ្នែកដ៏កំណាចប្រឡាក់សុទ្ធតែឈាម ។សក់របស់គាត់វែង និងកណ្ដាញ់យ៉ាងគគ្រិច ។ មុខរបស់គាត់ មានសម្លាកជាច្រើន។

មួយរយៈពេលនោះគាត់គ្រាន់តែឈរនៅក្រោមភ្លៀង ហើយញញឹមទៅកាន់នាងយ៉ាងគួរអោយខ្លាច ។ បន្ទាប់មក គាត់បានលូកដៃចូលទៅក្នុងហោប៉ៅរបស់គាត់ហើយបានយកអ្វីមួយចេញមកយឺតៗ ។

គាត់កំពុងកាន់កូនសោរឡានរបស់ឪពុកនាង៕

~ scaryforkids ~