ពស់ចិញ្ចឹម
វាគឺជារឿងពិតរបស់ស្ត្រីម្នាក់ដែលបានយកពស់ថ្លាន់មកចិញ្ចឹម។ វាមានប្រវែង ២.៥០ម៉ែត្រ ហើយវាគឺជាប្រភេទពស់ថ្លាន់បឺមេស ដែលជាពស់ថ្លាន់ស្លូតបំផុត។ នាងរស់នៅក្នុងផ្ទះដ៏តូចមួយ ជាមួយកូនប្រុសរបស់នាងដែលមានអាយុទើបតែ២ឆ្នាំប៉ុណ្ណោះ។ នាងដាក់ពស់ក្នុងទ្រុងនៃបន្ទប់ទទួលភ្ញៀវ ។ សត្វពស់នោះ តែងតែព្យាយាមខាំទ្រុងចេញ។ ក្រោយមកស្រ្តីនោះគិតថានាងមិនគួរយកសត្វដ៏ធំមកទុកក្នុងទ្រុងដ៏តូចនេះទេ។
នាងតែងតែឳ្យសត្វពស់នោះចេញមកវាលេង តាមបរិវេណផ្ទះ ជាញឹកញាប់។ កូនប្រុសតូចរបស់គាត់ ស្រលាញ់សត្វពស់នោះណាស់។ វាតែងតែយកសត្វពស់នោះទៅលេងនៅក្នុងសួនច្បារ។
ព្រឹកមួយ ស្ត្រីនោះកត់សម្គាល់ឃើញថាសត្វពស់របស់នាងមិនស៊ីចំណីទាល់តែសោះ។ សត្វពស់នៅតែមិនព្រមស៊ីចំណី អស់រយៈពេល៣ថ្ងៃ ជាប់គ្នា។ នាងចាប់ផ្ដើមព្រួយបារម្ភយ៉ាងខ្លាំង ដែលសត្វពស់ស្រាប់តែមានបញ្ហាបែបនេះ។ នាងក៏បានតេទៅពេទ្យសត្វដើម្បីវិភាគពីបញ្ហានេះ។
«វាជារឿងធម្មតាមែនទេ ដែលនៅសុខៗពស់ឈប់ស៊ីចំណី?»
«វាអាស្រ័យលើសត្វពស់ទេតើ,»
ពេទ្យសត្វនិយាយ។
«នៅក្នុងព្រៃ , សត្វពស់អាចរស់នៅបានយ៉ាងយូរដោយមិនបាច់ស៊ីចំណី។ ពេលខ្លះ វាបានស៊ីចំណី ជាច្រើន ផ្ទុកក្នុងពោះវារួចជាស្រេចហើយ។ តែពស់ថ្លាន់ខ្លះ វាធុញនឹងចំណីដែលស៊ីរាល់ថ្ងៃ ដូចនេះ អ្នកគួរតែប្ដូរចំណីដែលប្លែកៗ ឳ្យវាស៊ីវិញ!»
…………………………
ស្រ្តីនោះបានធ្វើតាមដំបូន្មានរបស់ពេទ្យសត្វ។ នាងបានទិញចំណី ដែលជាផលិតផលថ្មីហើយ អោយពស់ស៊ី ប៉ុន្តែ, ពស់នៅតែមិនស៊ីអ្វីទាំងអស់។
យប់មួយ ភ្ញាក់ពីគេងនៅពាក់កណ្ដាលអាធ្រាត ស្រាប់តែឃើញពស់នោះ ដេកក្រវៀនលើគ្រែរបស់នាង។ វាកំពុងតែដេកយ៉ាងត្រង់។ នាងមានអារម្មណ៍ថាវាដូចជាប្លែកដែរ ហើយនាងលើកសត្វពស់ទៅដាក់ក្នុងទ្រុងវិញ។
ពីរថ្ងៃក្រោយមក,កូនប្រុសនាងកំពុងតែលេងជាមួយសត្វនៅក្នុងសួនច្បារ ចំណែកនាងលាងចាននៅក្នុងផ្ទះបាយ។ ពេលនាងក្រឡេកទៅក្រៅបង្អួច នាងបានឃើញកូនប្រុសរបស់នាងកំពុងតែដេកលេងយ៉ាងសប្បាយជាមួយសត្វពស់។
ស្ត្រីនោះគិតថា សត្វពស់ប្រហែលជាជិតស្លាប់ហើយ។ នាងក៏បានទូរស័ព្ទទៅពេទ្យសត្វម្ដងទៀត នាងប្រាប់ទៅភ្នាក់ងារទទួលទូរស័ព្ទ។
«សត្វពស់របស់ខ្ញុំនៅតែមិនស៊ីចំណីដដែល,»
«ខ្ញុំគិតថាវាមិនមានរឿងអីធំដុំនោះទេ» ពេទ្យសត្វតប។ «អ្នកគ្រាន់តែពិនិត្យមើលថា បើវានៅតែមិនព្រមស៊ីចំណី ចាំចុងខែនេះ យកវាមកឱ្យខ្ញុំពិនិត្យ,»
នាងនិយាយទៅពេទ្យបន្ត :
«តែយប់ម៉ិញវាបានចេញពីទ្រុង មកគេងសណ្ដូកសណ្ដឹងលើគ្រែក្បែរខ្ញុំ។»
«ហាស !!!!!! មែនឬ????»
ពេទ្យស្រែកហាក់ដូចជាមានរឿងចម្លែកអ៊ីចឹង។
ពេទ្យបន្ដ «អ្នកស្រីដឹងទេ? វាកំពុងតែវាស់ដងខ្លួនអ្នកស្រីហើយ ថាតើវាអាចលេបអ្នកស្រីបានឬអត់?»
«ទេ!!ៗៗហា...ទេ ពិតឬ????»
អ្នកស្រីសួរដោយបារម្ភ។ ពេទ្យប្រាប់បន្ត ៖
«អំឡុងពេលដែលវាមិនស៊ីចំណីនោះ គឺវាត្រៀមពោះសំរាប់ស៊ីរបស់ធំ…»
និយាយមិនទាន់ចប់ផង អ្នកស្រីក្រឡេកទៅក្រៅបង្អួច, ស្រាប់តែឃើញជើងកូនប្រុសគាត់នៅក្រៅមាត់ពស់។ បន្ទាប់មកកូននោះក៏បានចូលទៅក្នុងពោះរបស់ពស់ទៅ៕
~ Scaryforkids ~
ពស់ចិញ្ចឹម
Reviewed by Unknown
on
4:34 PM
Rating:
Reviewed by Unknown
on
4:34 PM
Rating:
